3. fasea. Proiektuen sustapena

Bizikletak eta patineteak aparkatzeko aparkaleku-sistema zabaltzea Fadurako eraikin nagusian dagoen lehen prototipoa aztertu ondoren. Aldi berean, bizikletak eta patineteak aparkatzeko aparkaleku-sistema zentralizatua diseinatzen aurrera egitea, sarbide-kontrol eta guzti, Getxo Kirolakeko abonatuentzat.

Bi ibilbide-motako bide-sistema bat ezartzea: bizikletentzako bidezidor bat, oinezkoek lehentasuna izanik eta barruan oinezkoentzako adarrekin (horietan ezingo da bizikletaz ibili). Jardueran, aplikatzen diren urbanizazio-eskuliburu guztiak sartuko dira, eta aire zabaleko eremuak prestatuko dira, ibai-pasealekuan eta erdialdean aplikatzen ez direnak. Halaber, bizikleten aparkaleku berriak instalatzea kontuan hartuko da.

Ibai-pasealekua naturalizatzea parkeko kirol-eremuetako itxiturak ezarri ondoren. Proiektu honetan, ibai-pasealekuaren eta ibaiaren arteko hesia kentzea aurreikusten da eta, horren ordez, frontoietan dagoenaren antzeko ate bat jartzea.

Parkea berriro urbanizatzea, aisialdi naturaleko guneak sortzeko. Kokaleku nagusia eta Gobela ibaiarekiko duen hurbiltasuna kontuan hartuta, eremu horiek baldintza egokiak eskaintzen dituzte parkearen pertzepzio orokorra dinamizatzeko eta hobetzeko, instalaziorik edo eraikuntza-elementurik gabeko eremuak sartuz, ingurune naturalarekiko lotura mantentzen laguntzeko. Lehentasunezkoa da belaunaldi arteko kirol-jarduerak betetzea.

Pparkeko aparkaleku nagusiko, Fadurako eraikin nagusiko eta frontoien eraikineko eremuak berrantolatzea, naturak espazioarekin bat egin dezan. Ekintzetan kontuan izan beharko dira Getxo Kirolakek onartutako aurretiazko jarraibideak.

Saskibaloiko kantxak estaltzeko proiektua amaitu ondoren, jarduera hori gainerako pistetara zabal daitekeen aztertuko da. Padeleko kantxak estaliz gero, frontoietan egiten den padel-jarduera lekuz aldatu ahal izango da, tenis-padel pabiloiko obra amaitzen den bitartean. Jarduera horretan sarbideen kontrola ere sartzen da.

Kirol-modalitate horien eskaria gero eta handiagoa denez, tenis eta padeleko kantxa-kopurua handitu beharra sortu da. Egungo tenis-eraikinaren mendebaldean beste pabiloi bat gehitzea pentsatu da. Espazio berrian, teniseko pista berriak eta padel-pistak egongo dira (egun frontoien pabiloian daude).

Beharrezko altzari-elementuak egitea eta espazioan azken banaketa bat diseinatzea, parte hartzeko prozesuan jasotako emaitzak eta konponbide-eskaerak kontuan hartuta. Proiektu honek kontratazio publikoaren forman eragina du, eta amaitutako produktuak entregatzeko eta baliozkotzeko formula iteraktiboak bilatzen ditu, Getxo Kirolakeko barneko langileekin kontrastean.

Parte hartzeko prozesuaren emaitza gisa, funtzio anitzeko espazio berria sortuko da, eta, bertan, kirol-elkarte eta -klubentzako eremuak aurreikusten dira lehen solairuan. Bigarren solairuan, berriz, kirol-berrikuntzako gunea egongo da.

Proiektua baterako sorkuntzako lau tailerraren bidez eratuko da. Bertan, Getxo Kirolakeko langileek hartuko dute parte, espazioaren erabiltzaileek, zona horietako premiak detektatzen laguntzearren, eta baita profesionalek ere, barruko zonen diseinuan eta ekonomia zirkularrean duten ezagutza aditua kontuan hartuta, prozesua erraztearren herritarren laborategiko logiken bitartez. Horrez gain, tailerretan, materialak berrerabiltzeak eta planeta zaintzeak duten garrantzia azpimarratuko da; egun, gazteek bereziki konprometituta daude horretan.

Zoruaren kalitatearen azterketa.

Harmaila txiki bat sartzea, biltegiratzeko leku eta eserleku eta guzti, belar gaineko hockey jarduerarako.

Seinaleak erabiltzeko eskuliburu bat egitea eta hori praktikan jartzea, prototipo gisa, Fadurako eraikin nagusiko aldageletan. Era berean, Gobela eta Andra Mariko kiroldegietara eta parkeko eta instalazioetako gainerako lekuetara zabalduko da.

Komunikazio-sistema zentralizatua definitzea, instalazio guztietarako segurtasun-sistema bateratuaz gain. Kirol-parke osoaren eta bertako instalazioen segurtasun eta konektibitaterako jarraibide orokorrak egitea ere sartzen da.

Segurtasunerako eta erabateko konektibitaterako kudeaketa-eredu bat ezarri, Segurtasun eta Konektibitate Plan Zuzendariaren arabera.

Igerilekuen inguruan zolatutako eremua murriztea eta haurrentzako eta gazteentzako eremua, mahaiak jartzeko eremua eta egurrezko zoladura jartzea; itzalguneak handitzea eta zuhaitz gehiago jartzea; solariuma eta hamakak egokitzea; haur-jolasak birplanteatzea; familientzako eta helduentzako bereizitako espazioak sortzea.

Errugbi-zelaiaren eta atletismo-pistaren arteko harmailen eraikina birgaitzea. Getxo Kirolakek eta instalazioa erabiltzen duten eragileek modu parte-hartzailean landutako beharren programari erantzuten dion jarduera da.

Estalitako eremu berriak jartzea Bolue 2n futbol-partidak ikusteko; harmaila berriak eraikitzea Bolue 1 zelaian; gizonezkoentzako aldagela berriak birgaitzea Bolue 1eko harmailen azpian; Bolue 3ko aldagelak handitzea eta egokitzea; Bolue 3n aldagela berriak (165,85 m2) eta gimnasioa birgaitzea; zelaiak ureztatzeko, euri-ura aprobetxatzeko instalazioak jartzea.

Futbol/errugbiko estadioaren birmoldaketa integrala egitea 6.500 lagunentzat. Zelaia apur bat altxatuko da (lurra urpean gera daitekeelako), eta zelaiak euri-urarekin ureztatzeko sistemak jarriko dira.
URAri kontsulta bat egingo zaio egungo aurreproiektuak bideragarriak diren jakiteko, behar izanez gero, birformulatzeko edo aldatzeko.

Inplikatutako eragileekin hitz egin ondoren, jarduera hau Andra Mari kiroldegira eramatea erabaki da, bertan jarduera-mota horretarako gune aproposa prestatuko baita.

Espazioak birbanatzea trinketa eta bi frontoiak mantentzeko; erabilera anitzeko bi pista eta haurrentzako eta familientzako jolas-eremu estalia birgaitzea; vending eremu osasungarria instalatzea; aldagelak birplanteatzea; skatepark indoor, rokodromoa, esgrima eta erabilera anitzeko eremuak sartzea. Bi frontoietan jolasteko orduak luzatzea eta padeleko pistak teniseko eremura eramatea aurreikusten da.

Eraikinaren egitura indartzea, jarraian, tenis eta padeleko pabiloi berria eraikitzen hasteko. Era horretan, frontoietan egun egiten den jardueraren zati bat lekuz aldatu ahal izango da eta birgaitze-obrarako behar den espazioa libre utzi.

Parkearen iparraldean eraikin berria eraikitzea, atletismoko, errugbiko eta hockeyoko entrenamendu estaliak egiteko; modu horretan, Getxo Kirolaken eta instalazio hori erabiltzen duten eragileen artean modu parte-hartzailean landutako beharren programari erantzuna emango zaio.

Fadura osoan erreserbatutako espazioetansmartargiztapena, Eraikin nagusitik kontrolatuta. Kontsumo txikiko argiztapena.
Gune guztien konektibitatea, eraginkortasuna, zerbitzu-eskaintza eta sarbideen kontrola hobetzeko…