2022ko maiatzean, Fadurako eraikin nagusiko ikasketa-eremuan, ekonomia zirkularraren printzipioetan oinarritutako altzariak estreinatu ziren, erabiltzaileek parte hartzeko tailerren bidez diseinatuta.
2022ko urtearen amaiera aldera, ekipamendu berriaren obrak egiten hasi ziren garagardotegiaren eraikin zaharrean. Espazio horrek 850 m2 erabilgarri ditu eta 2.100 m2-ko kanpoaldea, eta bertan kirol-kluben kirol- eta gizarte-jarduerak egingo dira, sektore horretan berrikuntza-gunea izatearekin batera.
2023ko urtarrilean, bizikletak eta patineteak aparkatzeko sistema berriaren lehen prototipoa ezarri zen Fadurako eraikin nagusian. Sistema hori garatzeko, erabiltzaileek, Getxo Kirolakeko langileek eta arlo horretan adituak diren pertsonek beren beharrak adierazteko prozesu bate jorratu zen.
2023ko otsailean, atletismo, errugbi eta belodromoko harmailen eraikina birgaitzeko obra- eta exekuzio-proiektuak idazteko lanak aktibatu ziren. Handitze-lan horiei esker, areto, bulego, biltegiratze-gune edo aldagela berri gehiago jarri ahal izango dira, eguraldi txarra egiten duenean, harmailetan dagoen jendeak erosotasun eta babes handiagoa izatearekin batera. Parte hartzeko prozesuan egindako lana abiapuntu gisa hartuta, kontraste bat egin da inplikatutako eragileekin, esku-hartze hori jorratzeko obra-proiektuaren lizitazio-pleguek zer-nolako baldintzak bete behar dituzten zehatzago ikuste aldera.