2023ko bigarren hiruhilekoan, hirigintzako esku-hartze proiektua egin zen, eraikin nagusiko, frontoien eraikineko eta parkeko aparkaleku nagusiko aparkalekuak berrantolatzeko asmoarekin, espazioen naturalizazioa eta ingurunearekin integrazioa kontuan hartuta.
2023ko ekainean, proiektu berri bat aktibatu zen, Fadurako eraikin nagusiko bigarren solairurako ekodiseinuko altzarien (ekonomia zirkularra) proposamena diseinatzen jarraitzearren.
2023ko urrian, sarrerak kontrolatzeko sistema bat ezarri zen atletismoko, errugbiko eta belodromoko eremuetan, aldageletan, eremu komunetan eta igarobideetan instalazio horien erabiltzaileek segurtasun handiagoa izatearren.
2023ko amaiera aldera, garagardotegi zaharraren eraikinaren ondoko kanpoko saskibaloi-kantxak estaltzeko exekuzio-proiektua aktibatu zen, modalitate hori eta beste batzuk praktikatuz gehiago erabiltzeko, aldakortasun handiagoa emanez.
2023ko abenduan, parkea urbanizatzeko jarraibide komunak ezartzen dituen proiektua amaitu zen, eta, era horretan, parkean ezarri beharreko altzari, argiztapen, zoladura eta landarediari buruzko orientazio argiak eman ziren.
2023ko urtearen azken egunetan, Fadurako parkearen iparraldean kokatutako bi informazio-etxola komunikazio-gune berri bilakatu ziren, abian zeuden edo lehentasuna zuten proiektuen berri emateko, ahalik eta azkarren gauzatzearren.