2. fasea. Parte-hartzearen diseinua

1.450 lagunek baino gehiagok hartu dute parte Fadura kirol parke berrirako premiak eta aukerak biltzen

Guztira, 1.452 lagunek ekarpenak partekatu dituzte thinking Fadura taldearekin, Getxo Kirolak buru izan duela, Fadura kirol parke berrirako premiak eta aukerak biltzeko fasean, apirila amaieran hasi eta duela gutxi amaitu dena. Bi hilabetez, hainbat tailer antolatu dira, harpidedunei, kirol klubei, hiritarrei, premia berezidun kolektiboei, gazteei, UPV/EHUko ikasleei, udal kiroldegiak erabiltzen dituzten adinez txikikoei eta, azkenik, Getxoko Udalean ordezkariak dituzten alderdi politikoei zuzenduta. Fase honetan, parte-hartze digitaleko plataforma ere abian jarri da. Horiengandik, 796 lagunek modu digitalean egin dute; 448k bertan bertako saioetan; eta 208 lagunek, berriz, Fadurako harpidedunei eta ikastaroetan parte hartzen dutenei banatu zitzaien galdetegien bidez.

Bildutako informazio guztiarekin, thinking Fadura taldea aurretiko proposamenak definitzen ari da, abuztutik aurrera, hiritarrekin partekatzeko, parte-hartze plataforma digitalaren bidez. Lan hau zehatz mehatz ezagutu arte, eta baita hirigintza eta arkitekturako lehen proposamenak ere, baieztatu daiteke uneko Fadura Getxo Kirolak erakundeen erabiltzaileek erabiltzen dituzten kirol instalazioekin elkarrekin bizitzeko parke publiko bilakatzeko plangintza orokorra erabat adostu egin dela. Era berean, estalki gabeko instalazioak berritzeko eta egokitzeko beharra nabarmen geratu da, urte osoan zehar ahalik eta gehien erabili ahal izateko.

Azpimarratu behar da ere parte hartu dutenek adierazitako sentikortasuna, ingurumena errespetatzeko neurriak hartzeari dagokionez. Hura hainbat ideia zehatzetan islatu da, besteak beste: Bolueko hezeguneari eta Fadura Gobelarekin konektatzen duen ibai pasealekuari nagusitasun handiago ematea. Horrez gain, partekatutako ikuspegi bat eman da, alegia: gune ireki bat ezartzea, sarbide puntu gehiagorekin eta bizikletaren erabilera sustatzen duten konponbideekin, oinezkoekin eta kirolekin elkarrekin biziz. Nabarmentzekoa da ere argiztapen eraginkorra edukitzeko beharra, parke berria erabiltzen duten pertsona guztien segurtasuna bermatzeko. Laburbilduz, prozesuan parte hartu dutenek thinking Fadura hobekuntza orokorreko aukeratzat jo dute, bai zerbitzuena eta bai instalazioena, beraz, proposamen kopuru handia bildu da, alderdi orokorretatik hasita zehatzagoak diren beste batzuetara iritsita.

Abuztuan irekiko den bigarren fasean modu digitalean parte hartzeko aukerarekin, prozesuaren hurrengo hitzordua irailaren 20an izango da. Bertan, orain arte parte hartu duten guztiei parke berria definitzen jarraitzeko gonbita egingo zaie, lehenengo fasean bildutako premia eta aukera guztiak abiapuntu hartuta.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude