Getxo Kirolak-ek lizitaziora atera du Fadurako frontoien eraikinaren egitura indartzeko obra. Proposamen teknikoa egituretan espezializatutako bi ingeniaritzak egin dute, eta 2,5 milioi euroko kostua izango du gutxi gorabehera. Hain zuzen ere, koro metaliko bat jarri beharko da, egungo estalkiaren azpitik inguratzeko eraikineko hormen 320 metro linealak, gerriko gisa, kontrahormaren funtzioak egin ditzan eta eraikinaren egitura egonkor mantendu dadin. Egitura metalikoaz gain, barruan estalkiari eusten dion zutabe bat indartuko da, hormigoizko perimetro-hormak eta kanpoko sarreretako eskailerak birgaitzearekin batera. Esku-hartze horiek egiteko aurreikusitako epea 9 hilabetekoa izango da.
Obra hasi bezain laster, obraren zatirik handiena erakinaren kanpoaldetik egingo denez, erabiltzaileei ia kalterik eragin gabe erabiltzen jarraituko da, aldizkako analisi-sistema bat ezarriko da, ahalik eta epe laburrenean zehazteko planteatutako konponbideak espero den emaitza eskaintzen duela.
Eraikina 1973an eraiki zen, eta horren egitura ziurtatzea funtsezko urratsa izango da barrualdea eraberritzeko eta ekipamenduak berritzeko lanak egin aurretik, gaur egun dituen kirol-beharrak kontuan hartuta. Instalazioak eraldatzeko eta hobetzeko thinking Fadura prozesuaren testuinguruan, 2.000 pertsona inguruk parte hartu zuten lehen fasean, eta fase horretan jasotako moduan, aurreikusi da eraikinak erabilera berriak izatea, abonatuen nahiz herriko kirol-kluben eta -elkarteen lehentasunei erantzutearren.
One thought on “Getxo Kirolak-ek lizitaziora atera ditu Fadurako kiroldegiko frontoien eraikinaren egitura indartzeko lanak”
Que suerte tenéis en Fadura, porque en Andra Mari que también es Getxo, las instalaciones están obsoletas